اصلاحی جماعت و عالمی تنظیم العارفین دربار عالیہ حضرت سخی سلطان باھُوؒ برانچ چکوال کے زیرِ اہتمام عظیم الشان پروگرام میلاد مصطفی ﷺو حق باھُو ؒ کانفرنس کا انعقاد کیا گیا جسکی صدارت حضور جانشین سلطان الفقر سرپرست اعلیٰ اصلاحی جماعت و عالمی تنظیم العارفین حضرت سخی سلطان محمد علی صاحب مد ظلکم الاقدس نے فرمائی۔ خصوصی خطاب کرتے ہوئے الحاج محمد نواز قادری صاحب ناظم اعلیٰ اصلاحی جماعت و عالمی تنظیم العارفین نے کہا کہ جو شخص بھی اللہ تعالیٰ کی ذات اقدس سے اپنے تعلق اور نسبت کا اظہار چاہتا ہے اس کیلئے اللہ تعالیٰ نے حکم فرمایا ہے: قُلْ إِنْ کُنْتُمْ تُحِبُّونَ اللَّہَ فَاتَّبِعُونِی یُحْبِبْکُمُ اللَّہُ۔ ترجمہ:''اے محبوب پاک ﷺ فرمادیں اگر تم اللہ تعالیٰ سے محبت رکھتے ہو تو میری اتباع کرو اللہ تعالیٰ تم سے محبت فرمائے گا۔'' اس آیت مقدسہ میں حضور علیہ الصلوۃ والسلام کی اتباع کا حکم فرمایا اور حضور علیہ الصلوۃ والسلام نے اپنی اتباع کے اندر دو طریق عطا فرمائے ظاہر میں عبادت اور باطن میں ذکر اللہ۔ آج ضرورت اس امر کی ہے کہ ظاہر ی عبادت کے ساتھ قلبی ذکر کیا جائے تاکہ کامیابی اور کامرانی نصیب ہو۔ پروگرام میں کثیر تعداد میں لوگوں نے شرکت کی اور کافی تعداد میں لوگوں نے حضور جانشین سلطان الفقر کے دست مبارک پہ بیعت کا شرف حاصل کیا اور سلسلہ عالیہ قادریہ میں شمولیت اختیار کی۔ اور آخر میں ملک و قوم کی سلامتی کیلئے دعائے خیر فرمائی۔

اصلاحی جماعت و عالمی تنظیم العارفین دربار عالیہ حضرت سخی سلطان باھُوؒ برانچ اٹک کے زیرِ اہتمام عظیم الشان میلاد مصطفی ﷺ و حق باھُو کانفرنس کا انعقاد کیا گیا۔جسکی صدارت جگر گوشہ سلطان العارفین شہزادہ سلطان الفقر حضور حضرت سخی سلطان احمد علی صاحب نے فرمائی اور آپ نے خصوصی خطاب کرتے ہوئے فرمایا کہ ہم اپنی نسبت کو حضور غوث اعظم جیلانی رضی اللہ عنہ سے منسوب کرتے ہیں مگر ہم آپ کی حیات طیبہ میں صرف ایک چیز کا ذکر عا م طور پر کرتے ہیں اور وہ آپ کی کرامات کا ذکر اور تذکرہ ہے۔ حالانکہ آپ کے بے شمار عملی اور روحانی ورثہ ہیں جنکے ذکر ہم نہیں کرتے آج فقط آپ کے چار اوصاف و کمالات کا ذکر کرتے ہیں اختصار کے ساتھ۔ ۱)علم تفسیر:محدثین اور مفسرین میں آپ کے تفسیری نکات کا تذکرہ عام ہے کہ آپ بیک وقت ایک آیت مبارکہ کہ چالیس تک تفاسیر فرماتے۔ ۲)علم حدیث:آپ حافظ الحدیث تھے آپ کو ایک لاکھ سے زائد احادیث متن اور صحیح سند کے ساتھ یاد تھیں ۳)علم فقہ:اپنے زمانے کے سب سے زیادہ فقیہ اور مجتھد تھے کہ آپ کا ثانی نہیں تھا۔ ۴)علم ورثہ میں تربیت اولاد پہ آپ کے پوتے پڑپوتے اور آپ کے بیٹے علم خزانے کا مرجع اور مرکز تھے۔یہاں تک کہ کوئی بھی ان کا ثانی نہیں تھا۔ آج ضرورت ہے کہ اس ورثہ کو عمل میں لایا جائے اور اسکو عام کیا جائے تاکہ آپ کا علمی مرتبہ واضح ہو۔ پروگرام میں بارش اور سردی کی شدت کے باوجود ہزاروں کی تعداد میں لوگوں نے شرکت کی اور سینکڑوں نے بیعت ہوکر غوث پاک کے علم کو اپنانے کا تجدید عہد کیا اور آخر میں ملک و قوم کیلئے دعا خیر فرمائی گئی۔

اصلاحی جماعت و عالمی تنظیم العارفین دربار عالیہ حضرت سخی سلطان باھُوؒ برانچ اسلام آباد کے زیرِاہتمام عظیم الشان میلاد مصطفےٰ ﷺ و حق باھُو کانفرنس کا انعقاد کیا گیا جسکی صدارت حضور جانشین سلطان الفقر سرپرستِ اعلیٰ اصلاحی جماعت و عالمی تنظیم العارفین حضرت سخی سلطان محمد علی صاحب مدظلہ الاقدس نے فرمائی۔ خصوصی خطاب کرتے ہوئے چیئرمین مسلم انسٹیٹیوٹ شہزادہ سلطا ن الفقر حضرت سخی سلطان احمد علی صاحب مد ظلکم الاقدس نے فرمایا کے سنگ پارس کے بارے میں کہا جاتا ہے مگر یہ ایک حقیقت ہے کہ جو بھی چیز ہو اور جس چیز کی بھی نسبت حضور رسالت مآب صلی اللہ علیہ وآلہ وسلم سے ہوجائے تو اس چیز کی قیمت و عزت و عظمت میں اضافہ ہوجاتا ہے اسے بھی چار چاند لگ جاتے ہیں اگر ذرے کو بھی نصیب ہوجائے تو اس کی فطرت و قیمت بدل جاتی ہے۔ آپ صحابہ کرام کو دیکھ لیں جس نے آقا علیہ الصلوۃ والسلام کی حیات طیبہ میں ایمان کی حالت میں حضور علیہ الصلوۃ والسلام کے رخ زیبا کی زیارت کرلی وہ صحابی بن گیا اب بعد میں کوئی بھی اس شرف کو نہیں پا سکتا۔وہ کتنا ہی عبادت گزار بن جائے اس طرح وہ درخت جس کی نسبت نبی پاک ﷺ کی ذات اقدس سے نسبت ہوجائے تو صحابہ کرام کا اس کیلئے اہتمام کرنا جس طرح حضرت عبداللہ ابن عمر رضی اللہ عنہ سے روایت ہے "کان یتبع اثار النبی صلی اللہ علیہ وٓلہ وسلم کم مکان حتیٰ ان النبی نزل تحت شجرۃ فکان ابن عمر یتھا ھد تلک الشجرۃ فیصب فی الماء" ترجمہ:"کہ آپ آثار نبوی صلی اللہ علیہ وآلہ وسلم کی تلاش میں رہے حتی کہ ایک درخت جسکے سایہ کو یہ شرف حاصل تھا کہ اس کے نیچے آقا علیہ الصلوۃ والسلام ٹھہرے تو اس کیلئے پانی لے کر اس کو سیراب کرتے تاکہ یہ ہرا بھرا رہے مدینہ طیبہ کی دھرتی کو آپ ﷺ کی وجہ سے جو فضیلت نصیب ہوئی پوری کائنات میں کسی اور مقام کو نصیب نہیں ہوئی۔ پھر حضور علیہ الصلوۃ والسلام کے روضہ اقدس کی فضیلت کو دیکھیں جو ایک بار روضہ اقدس کی زیارت کرلے اس کیلئے آقا علیہ السلام نے فرمایا"کہ جو میرے روضہ کی زیارت کرلے میں اس کیلئے شفاعت کروں گا"الغرض جس جس چیز کی بھی نسبت آپ کی ذات اقدس سے ہوئی وہ معظم بنتی گئی۔ پروگرام میں ہزاروں کی تعداد میں لوگوں نے شرکت کی جس میں سفیروں اور سیاست دانوں اور عظیم لوگوں نے شمولیت اختیار کی۔آخر میں ملک و ملت اور پوری امت مسلمہ کیلئے اور بالخصوص کشمیر اور فلسطین کیلئے دعائے خیر فرمائی گئی۔ اور کثیر تعداد میں لوگوں نے حضور جانشین سلطان الفقر سرپرستِ اعلیٰ اصلاحی جماعت و عالمی تنظیم العارفین کے دست مبارک پر بیعت کا شرف حاصل کیا۔

اصلاحی جماعت و عالمی تنظیم العارفین دربارِ عالیہ حضرت سخی سلطان باھو ؒ برانچ ایبٹ آباد کی جانب سے ایک عظیم الشان پروگرام میلادِ مصطفےٰﷺ و حق باھو کانفرنس کا انعقاد کیا گیا جس کی صدارت حضور جانشین سلطان الفقر سرپرست اعلیٰ اصلاحی جماعت و عالمی تنظیم العارفین حضرت سخی سلطان محمدعلی صاحب مدظلہ الاقدس نے فرمائی۔ خصوصی خطاب کرتے ہوئے چئیرمین مسلم انسٹیٹیوٹ شہزادہ سلطان الفقر حضرت سخی سلطا ن احمد علی صاحب مدظلہ الاقدس نے فرمایا اللہ تعالیٰ یہ چاہتا ہے کہ اس کا بندہ اس کی ذات اقدس پہ یقین کامل رکھے۔ حضور علیہ الصلوۃ والسلام نے اپنے صحابہ کرام کو یقین کی تربیت عطا فرمائی صحابہ کرام یقین کی دولت سے مالا مال تھے ایمان کی خوراک یقین ہے اگر ایمانی دولت سے یقین کو نکال دیا جائے تو ایمان کمزور ہوجاتا ہے یہی وجہ ہے کہ یقین کے کمزور ہونے کی وجہ سے عبادت سے سوزوگداز چلاجاتا ہے۔اس کی رحمت تقاضا کرتی ہے کہ تیرے وجود کے اوپر اس کی عبادت اور بندگی کا سوزوگداز جاری ہونا چاہئے۔یقین کامل ہو تو آدمی اپنے مالک کے کام میں غفلت نہیں کرتا۔حضرت عبداللہ بن مسعود رضی اللہ عنہ روایت فرماتے ہیں کہ حضور علیہ الصلوۃ والسلام نے فرمایا: الیقین الیمان کلہ ترجمہ:"یقین ہی ایمان کامل ہے۔" دوسرے مقام پر فرمایا: الشکر نصف الایمان و الصبرنصف الایمان و الیقین الایمان کلہ ترجمہ:"شکر نصف ایمان ہے،صبر نصف ایمان ہے اور یقین کامل ایمان ہے۔" ٓآج ہمیں یقین کی دولت کو حاصل کرنا ہے اور مضبوط بنانا ہے تب کامیابی ممکن ہوگی۔ پروگرام میں بڑی تعداد میں ٹیچرز پروفسیرز ڈاکٹرز کے علاوہ بڑی تعداد میں لوگوں نے شرکت کی اور سراہا۔کثیر تعداد میں لوگوں نے حضور جانشین سلطان الفقر سرپرست اعلیٰ اصلاحی جماعت و عالمی تنظیم العارفین کے دست مبارک پہ بیعت کا شرف حاصل کرکے یقین کامل کو عملی جامہ پہنانے کا عہد کیا اور آخر میں ملک و قوم کی سلامتی کی دعا فرمائی گئی۔

اصلاحی جماعت و عالمی تنظیم العارفین دربارِ عالیہ حضرت سخی سلطان باھو ؒ برانچ ضلع ہری پور کی جانب سے ایک عظیم الشان پروگرام میلادِ مصطفےٰﷺ و حق باھو کانفرنس کا انعقاد کیا گیا جس کی صدارت حضور جانشین سلطان الفقر سرپرست اعلیٰ اصلاحی جماعت و عالمی تنظیم العارفین حضرت سخی سلطان محمدعلی صاحب مدظلہ الاقدس نے فرمائی۔ خصوصی خطاب کرتے ہوئے چیئرمین مسلم انسٹیٹیوٹ شہزادہ سلطان الفقر حضور حضرت سخی سلطان احمد علی صاحب مدظلہ الاقدس نے فرمایا کہ ہم جو کام بھی کریں اس کا مطمعِ نظر اللہ اور اس کے رسول پاکﷺ کی رضا اور خوشنودی کو حاصل کیا جائے۔ اللہ تعالی کی توجہ کا مرکز خود رسالت مآب ﷺ کی ذاتِ اقدس ہے۔ فرمانِ باری تعالیٰ ہے۔ قد نریٰ تقلب وجھک فی السماء ترجمہ: ’’آپ ﷺ کا آسمان کی جانب چہرہ فرمانا خدا تعالیٰ دیکھ رہا ہے‘‘ حدیث قدسی میں ارشاد فرمایا! ’’اگر آپ کو پیدا نہ فرماتا تو افلاک کو پیدا نہ فرماتا‘‘۔ مزید ارشاد فرمایا! ’’اگر آپ کو پیدا نہ فرماتا تو اپنی ربوبیت کا اظہار نہ فرماتا‘‘۔ صحابہ اکرام کی توجہ کا مرکز خود حضور علیہ الصلوٰۃ والسلام کی ذاتِ اقدس ہے۔ حضرت عمرِ فاروقؓ حجرِ اسود کو بوسہ دینے سے پہلے فرمایا! ’’میں جانتاہوں کہ تو پتھر ہے اگر میرے آقا علیہ الصلوٰۃ والسلام نے تجھے بوسہ نہ دیا ہوتا تو میں تمہیں کبھی بھی بوسہ نہ دیتا‘‘۔ آج ہمارے مسائل کا واحد حل آقا علیہ الصلوٰۃ والسلام کی محبت اور غلامی اور فرمانبرداری میں ہے۔ پروگرام میں سیاسی و سماجی شخصیات کی کافی تعداد کے علاوہ ہزاروں کی تعداد میں لوگوں نے شرکت کی اور سینکڑوں کی تعداد میں لوگوں نے حضور جانشین سلطان الفقر سرپرستِ اعلیٰ اصلاحی جماعت و عالمی تنظیم العارفین کے دستِ مبارک پہ بیعت کا شرف حاصل کرکے سلسلہ عالیہ قادریہ میں شمولیت اختیار کی۔آخر میں ملک و قوم کی سلامتی کیلئے دعائے خیر فرمائی گئی۔

اصلاحی جماعت و عالمی تنظیم العارفین دربار عالیہ حضرت سخی سلطان باھُوؒ برانچ خوشاب کی جانب سے ایک عظیم الشان پروگرام میلاد مصطفیٰ صلی اللہ علیہ وآلہ وسلم و حق باھُو کانفرنس کا انعقاد کیا گیا جسکی صدارت حضور جانشین سلطان الفقر سرپرستِ اعلیٰ اصلاحی جماعت و عالمی تنظیم العارفین حضرت سخی سلطان محمد علی صاحب مد ظلہ الاقدس نے فرمائی۔ خصوصی خطاب کرتے ہوئے چیئرمین مسلم انسٹیٹیوٹ شہزادہ سلطان الفقر حضور حضرت سخی سلطان احمد علی صاحب مدظلکم الاقدس نے فرمایا کہ اس وقت عالم اسلام میں مختلف موضوعات اور مختلف معاملات میں اختلاف رائے ہے۔میرے نزدیک اس فرقہ وارانہ جنگ میں جو انتہائی کیفیت تھی اور اس کا بھیانک رویہ گزشتہ رمضان المبارک میں ہماری عقیدت اور عقیدہ کا جو مرکز ہے اس میں بھی ایسا کر ڈالا اور اس سے بڑھ کر افسوس کی بات اس امت کی خاموشی یہ اس سے بھی بڑھ کر سانحہ تھا۔کیونکہ پوری دنیا میں اس سے بڑا مقدس مقام اور کوئی نہیں کیونکہ یہاں پہ گنبد خضریٰ اور مدینہ طیبہ ہے اس کی اس قدر عظمت حضور رسآلت مآب صلی اللہ علیہ وآلہ وسلم نے بیان فرمائی اور رب ذوالجلال نے اسے وہ شرف بخشا جو کسی اور مقام کو نہیں بخشا ۔آقا علیہ السلام نے فرمایا ا ے اللہ بے شک تو نے مجھے اس جگہ سے ہجرت کا حکم عطا فرمایا جو مقام یعنی مکہ مکرمہ مجھے سب سے ذیادہ پسندیدہ مقام تھا اب مجھے اس جگہ قیام کرنے کی توفیق دے جو جگہ تجھے سب سے ذیادہ محبوب ہو اور پھر فرمایا ہمارے دلوں میں مدینہ کی محبت ڈا ل جس طرح مکہ کی محبت ہمارے دلوں میں ہے یا اس سے بڑھ کر مدینہ پاک کی محبت کو پیدا فرمادے ۔مزید ارشاد فرمایا مدینہ منورہ کی دھرتی مومنہ ہے اور اسے حضور علیہ الصلوۃ واسلام نے تما م شہروں کا سردار فرمایا یہ اور اس سے اٹھتی ہوئی غبار کو شفاء فرمایا ہے۔ دوران خطاب مدینہ منورہ اور اس سے متعلقات کو تکلیف دینے کی وعید کا بھی ذکر کیا اور فرمایاکہ نو چیزیں جن پر عذاب کی وعید بیان ہوئی ہے ۱)اہل مدینہ کی حرمت کو پامال کرنا ۲)مجرم کو پناہ دینا ۳)جرم کرنا ۴)فتنہ کرنا ۵)اہل مدینہ کو تکلیف دینا ۶)اہل مدینہ کو خوف ذدہ کرنا ۷)دھوکہ دینا ۸)ظلم کرنا ۹)اہل مدینہ سے بڑائی کا سوچنا یا رادہ کرنا ان تمام میں عذاب کا مستحق ہوگا اور جو یہاں یہ دھماکے کرے وہ کیسے محفوظ ہوگا۔ آپ نے اس پہ سیر حاصل گفتگو فرمائی کہ عظمت مدینہ منورہ کیاہے اور اس میں رہنے والوں اور اس دھرتی کو اللہ نے کتنا شرف بخشا ہے۔ پروگرام میں سیاسی اور سماجی شخصیات کے علاوہ ہزاروں کی تعدادمیں میں لوگوں نے شرکت کی اور سینکڑوں کی تعداد میں لوگوں نے حضور جانشین سلطان الفقر سرپرست اعلیٰ اصلاحی جماعت و عالمی تنظیم العارفین کے دست مبارک پہ بیعت کا شرف حاصل کیا اور تحفظ ناموس مدینہ اور رسالت کیلئے تجدید عہد کیا۔ اور آخر میں صلوۃ وسلام کے بعد رقت انگیز دعا فرمائی۔

اصلاحی جماعت و عالمی تنظیم العارفین برانچ میانوالی کے زیر اہتمام ایک عظیم الشان پروگرام میلاد مصطفےٰ صلی اللہ علیہ وآلہ وسلم و حق باھُوؒ کانفرنس کا انعقاد کیا گیا جسکی صدارت حضور جانشین سلطان الفقر سرپرستِ اعلیٰ اصلاحی جماعت و عالمی تنظیم العارفین حضرت سخی سلطان محمد علی صاحب مد ظلہ الاقدس نے فرمائی۔ خصوصی خطا ب کرتے ہوئے حضور چیئرمین مسلم انسٹیٹیوٹ حضرت سخی سلطان احمد علی صاحب مد ظلہ الاقدس نے فرمایا اس وقت اس پیغام کی ضرورت ہے جوہمارے وجود کے اندر امید اور یقین کو پیدا کرے ۔باوجود خطاؤں اور گناہوں کے تیرا وجود کس طرح اس قابل بن سکتا ہے کہ تو اللہ اوراسکے رسول پاک صلی اللہ علیہ وآلہ وسلم کے دین کا مددگار بن سکتا ہے۔مایوسی کوترک کرکے امید کو پیدا کرنے کیلئے جب اللہ تعالیٰ کے پاک قرآن کی تلاوت کرتے ہیں تو آدمی حیران رہ جاتا ہے کہ اللہ تعالیٰ نے اپنے محبوب پاک صلی اللہ علیہ وآلہ وسلم کے بارے میں تو فرمایا ہی ہے مگر اس میں امت کیلئے بہت بڑی بشارت ہے اللہ تعالیٰ فرماتا ہے "اور عنقریب اتنا عطا کریں گے کہ اے محبوب پاک صلی اللہ علیہ وآلہ وسلم آپ راضی ہوجائیں گے۔" اس میں امت مرحومہ کیلئے بشارت ہے کیونکہ حضور علیہ الصلوۃ والسلام اس وقت تک راضی نہیں ہونگے جب تک ایک امتی بھی جہنم میں ہوگا۔ہمیں ناز ہونا چاہئے اپنے اوپر کیونکہ ہم اس کریم آقا کے امتی ہیں جنہیں ہماری فکر اور ہمارا غم ہے جتنا ہمیں بھی اپنا نہیں ہے۔ آقا علیہ السلام اللہ کے حضور امت کی مغفرت کیلئے اس حد تک دعا فرماتے کہ آنسو مبارک بہنا شروع ہوجاتے ۔حضور علیہ الصلوۃ والسلام اپنی امت سے اس قدر محبت فرماتے کہ اس دور میں بھی محبت کا انداز دیکھئے۔آقا علیہ الصلوۃ والسلام نے فرمایا" من بعدیو منون بی ولم یرونی"میرے بعد آئیں گے مجھ پہ ایمان لائیں گے حالانکہ انھوں نے مجھے دیکھا نہیں ہوگا۔ اس وقت ضرورت اس امر کی ہے ہم اپنے عمل اور کردار کو قرآن و سنت کے مطابق بنائیں تاکہ ہم پر اللہ اور اس کے رسول پاک صلی اللہ علیہ وآلہ وسلم کو پیار آجائے اور ہم انکے مقبول ترین بن جائیں۔ پروگرام میں ہزاروں کی تعداد میں لوگوں نے شرکت کی اور کثیر تعداد میں لوگوں نے حضور جانشین سلطان الفقر سرپرست اعلیٰ اصلاحی جماعت و عالمی تنظیم العارفین کے دست مبارک پر بیعت اختیار کرکے اپنے عمل اور کردار کو قرآن و سنت کی تابعداری میں گزارنے کا عہد کیا۔ اور آخر میں آنے والے تمام احباب اور قوم و ملک اور ملت اسلامیہ کی کامیابی کیلئے دعائے خیر فرمائی۔ Image may contain: one or more people, people sitting and outdoor