اصلاحی جماعت و عالمی تنظیم العارفین دربار عالیہ حضرت سخی سلطان باھُوؒ برانچ خوشاب کی جانب سے ایک عظیم الشان پروگرام میلاد مصطفیٰ صلی اللہ علیہ وآلہ وسلم و حق باھُو کانفرنس کا انعقاد کیا گیا جسکی صدارت حضور جانشین سلطان الفقر سرپرستِ اعلیٰ اصلاحی جماعت و عالمی تنظیم العارفین حضرت سخی سلطان محمد علی صاحب مد ظلہ الاقدس نے فرمائی۔ خصوصی خطاب کرتے ہوئے چیئرمین مسلم انسٹیٹیوٹ شہزادہ سلطان الفقر حضور حضرت سخی سلطان احمد علی صاحب مدظلکم الاقدس نے فرمایا کہ اس وقت عالم اسلام میں مختلف موضوعات اور مختلف معاملات میں اختلاف رائے ہے۔میرے نزدیک اس فرقہ وارانہ جنگ میں جو انتہائی کیفیت تھی اور اس کا بھیانک رویہ گزشتہ رمضان المبارک میں ہماری عقیدت اور عقیدہ کا جو مرکز ہے اس میں بھی ایسا کر ڈالا اور اس سے بڑھ کر افسوس کی بات اس امت کی خاموشی یہ اس سے بھی بڑھ کر سانحہ تھا۔کیونکہ پوری دنیا میں اس سے بڑا مقدس مقام اور کوئی نہیں کیونکہ یہاں پہ گنبد خضریٰ اور مدینہ طیبہ ہے اس کی اس قدر عظمت حضور رسآلت مآب صلی اللہ علیہ وآلہ وسلم نے بیان فرمائی اور رب ذوالجلال نے اسے وہ شرف بخشا جو کسی اور مقام کو نہیں بخشا ۔آقا علیہ السلام نے فرمایا ا ے اللہ بے شک تو نے مجھے اس جگہ سے ہجرت کا حکم عطا فرمایا جو مقام یعنی مکہ مکرمہ مجھے سب سے ذیادہ پسندیدہ مقام تھا اب مجھے اس جگہ قیام کرنے کی توفیق دے جو جگہ تجھے سب سے ذیادہ محبوب ہو اور پھر فرمایا ہمارے دلوں میں مدینہ کی محبت ڈا ل جس طرح مکہ کی محبت ہمارے دلوں میں ہے یا اس سے بڑھ کر مدینہ پاک کی محبت کو پیدا فرمادے ۔مزید ارشاد فرمایا مدینہ منورہ کی دھرتی مومنہ ہے اور اسے حضور علیہ الصلوۃ واسلام نے تما م شہروں کا سردار فرمایا یہ اور اس سے اٹھتی ہوئی غبار کو شفاء فرمایا ہے۔ دوران خطاب مدینہ منورہ اور اس سے متعلقات کو تکلیف دینے کی وعید کا بھی ذکر کیا اور فرمایاکہ نو چیزیں جن پر عذاب کی وعید بیان ہوئی ہے ۱)اہل مدینہ کی حرمت کو پامال کرنا ۲)مجرم کو پناہ دینا ۳)جرم کرنا ۴)فتنہ کرنا ۵)اہل مدینہ کو تکلیف دینا ۶)اہل مدینہ کو خوف ذدہ کرنا ۷)دھوکہ دینا ۸)ظلم کرنا ۹)اہل مدینہ سے بڑائی کا سوچنا یا رادہ کرنا ان تمام میں عذاب کا مستحق ہوگا اور جو یہاں یہ دھماکے کرے وہ کیسے محفوظ ہوگا۔ آپ نے اس پہ سیر حاصل گفتگو فرمائی کہ عظمت مدینہ منورہ کیاہے اور اس میں رہنے والوں اور اس دھرتی کو اللہ نے کتنا شرف بخشا ہے۔ پروگرام میں سیاسی اور سماجی شخصیات کے علاوہ ہزاروں کی تعدادمیں میں لوگوں نے شرکت کی اور سینکڑوں کی تعداد میں لوگوں نے حضور جانشین سلطان الفقر سرپرست اعلیٰ اصلاحی جماعت و عالمی تنظیم العارفین کے دست مبارک پہ بیعت کا شرف حاصل کیا اور تحفظ ناموس مدینہ اور رسالت کیلئے تجدید عہد کیا۔ اور آخر میں صلوۃ وسلام کے بعد رقت انگیز دعا فرمائی۔

اصلاحی جماعت و عالمی تنظیم العارفین برانچ میانوالی کے زیر اہتمام ایک عظیم الشان پروگرام میلاد مصطفےٰ صلی اللہ علیہ وآلہ وسلم و حق باھُوؒ کانفرنس کا انعقاد کیا گیا جسکی صدارت حضور جانشین سلطان الفقر سرپرستِ اعلیٰ اصلاحی جماعت و عالمی تنظیم العارفین حضرت سخی سلطان محمد علی صاحب مد ظلہ الاقدس نے فرمائی۔ خصوصی خطا ب کرتے ہوئے حضور چیئرمین مسلم انسٹیٹیوٹ حضرت سخی سلطان احمد علی صاحب مد ظلہ الاقدس نے فرمایا اس وقت اس پیغام کی ضرورت ہے جوہمارے وجود کے اندر امید اور یقین کو پیدا کرے ۔باوجود خطاؤں اور گناہوں کے تیرا وجود کس طرح اس قابل بن سکتا ہے کہ تو اللہ اوراسکے رسول پاک صلی اللہ علیہ وآلہ وسلم کے دین کا مددگار بن سکتا ہے۔مایوسی کوترک کرکے امید کو پیدا کرنے کیلئے جب اللہ تعالیٰ کے پاک قرآن کی تلاوت کرتے ہیں تو آدمی حیران رہ جاتا ہے کہ اللہ تعالیٰ نے اپنے محبوب پاک صلی اللہ علیہ وآلہ وسلم کے بارے میں تو فرمایا ہی ہے مگر اس میں امت کیلئے بہت بڑی بشارت ہے اللہ تعالیٰ فرماتا ہے "اور عنقریب اتنا عطا کریں گے کہ اے محبوب پاک صلی اللہ علیہ وآلہ وسلم آپ راضی ہوجائیں گے۔" اس میں امت مرحومہ کیلئے بشارت ہے کیونکہ حضور علیہ الصلوۃ والسلام اس وقت تک راضی نہیں ہونگے جب تک ایک امتی بھی جہنم میں ہوگا۔ہمیں ناز ہونا چاہئے اپنے اوپر کیونکہ ہم اس کریم آقا کے امتی ہیں جنہیں ہماری فکر اور ہمارا غم ہے جتنا ہمیں بھی اپنا نہیں ہے۔ آقا علیہ السلام اللہ کے حضور امت کی مغفرت کیلئے اس حد تک دعا فرماتے کہ آنسو مبارک بہنا شروع ہوجاتے ۔حضور علیہ الصلوۃ والسلام اپنی امت سے اس قدر محبت فرماتے کہ اس دور میں بھی محبت کا انداز دیکھئے۔آقا علیہ الصلوۃ والسلام نے فرمایا" من بعدیو منون بی ولم یرونی"میرے بعد آئیں گے مجھ پہ ایمان لائیں گے حالانکہ انھوں نے مجھے دیکھا نہیں ہوگا۔ اس وقت ضرورت اس امر کی ہے ہم اپنے عمل اور کردار کو قرآن و سنت کے مطابق بنائیں تاکہ ہم پر اللہ اور اس کے رسول پاک صلی اللہ علیہ وآلہ وسلم کو پیار آجائے اور ہم انکے مقبول ترین بن جائیں۔ پروگرام میں ہزاروں کی تعداد میں لوگوں نے شرکت کی اور کثیر تعداد میں لوگوں نے حضور جانشین سلطان الفقر سرپرست اعلیٰ اصلاحی جماعت و عالمی تنظیم العارفین کے دست مبارک پر بیعت اختیار کرکے اپنے عمل اور کردار کو قرآن و سنت کی تابعداری میں گزارنے کا عہد کیا۔ اور آخر میں آنے والے تمام احباب اور قوم و ملک اور ملت اسلامیہ کی کامیابی کیلئے دعائے خیر فرمائی۔ Image may contain: one or more people, people sitting and outdoor

ایک عظیم الشان میلادِ مصطفےٰ صلی اللہ علیہ وآلہ وسلم و حق باھُو کانفرنس کا نعقاد اصلاحی جماعت و عالمی تنظیم العارفین برانچ بھکر کی جانب سے کیا گیا جس کی صدارت حضور جانشین سلطان الفقر سرپرستِ اعلیٰ اصلاحی جماعت و عالمی تنظیم العارفین حضرت سخی سلطان محمد علی صاحب مد ظلہ الاقدس نے فرمائی۔ خصوصی خطاب کرتے ہوئے چیئرمین مسلم انسٹیٹیوٹ حضرت سخی سلطان احمد علی صاحب دامت برکاتھم العالیہ نے فرمایا کہ اللہ تعالیٰ کی چاہت یہ ہے کہ اس کا بندہ کسی نہ کسی طریق سے اپنے خالق و مالک سے جڑا رہے اس کے کئی ذرائع ہیں اس کی مخلوق کے ساتھ بھلائی کرنا بھی اس کے قرب کا ذریعہ ہے۔اسی طرح قرآن کریم کے بیشمار مقامات پر اللہ تعالیٰ نے مسافر کے حقوق راہگیر کے حقوق کا ذکر فرمایا اور دیگر حقوق کا ذکر فرمایا۔ اور اللہ کی عبادت کرو اور اس کے ساتھ کسی چیز کو شریک نہ ٹھہراؤ۔والدین کے ساتھ احسان کرو اوراحسان کرو قربی کے ساتھ،یتیموں اور مسکینوں ،پڑوسیوں کے ساتھ اور راہ گیروں کے ساتھ۔البقرۃ 177 حضرت عبداللہ ابن عباس رضی اللہ عنہ فرماتے ہیں کہ مسافر کے تم پر دو حقوق ہیں(۱)سفر(۲)پڑوسی یعنی ساتھی حضرت انس بن مالک رضی اللہ عنہ روایت فرماتے ہیں جس گھر میں مہمان نہیں آتا اس گھر میں ملائکہ داخل نہیں ہوتے۔حتیٰ کہ بعض ایسی چیزیں ہیں جو مسافر کی وجہ سے انسان کو نصیب ہوئیں یہاں تک کہ اگر انسان اپنے اندر غور کرے تو انسان کا جسم اور روح یہ دونوں مسافر ہیں جسم کا روح پر اور رو ح کا بدن پر حق ہے۔ جسم کا حق ہے کہ عبادت میں لذت حاصل کرے اور روح کا حق ہے کہ ذکر اللہ میں اطمینان پکڑے۔ پروگرام میں سیاسی سماجی اور مذہبی اور اس کے علاوہ لوگوں نے ہزاروں کی تعداد میں شرکت کی اور کثیر تعداد میں لوگوں نے حضور جانشین سلطان الفقر سرپرستِ اعلیٰ اصلاحی جماعت و عالمی تنظیم العارفین کے دست مبارک پر بیعت کا شرف حاصل کیا۔اور آخر میں ملک و قوم کے امن و سلامتی کیلئے دعائے خیر فرمائی گئی۔

اصلاحی جماعت و عالمی تنظیم العارفین دربار عالیہ حضرت سخی سلطان باھُو ؒ برانچ ضلع لیہ کی طرف سے ایک عظیم الشان پروگرام میلاد مصطفےٰ صلی اللہ علیہ وآلہ وسلم و حق باھُوؒ کانفرنس کا انعقاد کیا گیا جسکی صدارت حضور جانشین سلطان الفقر سرپرست اعلیٰ اصلاحی جماعت و عالمی تنظیم العارفین حضرت سخی سلطان محمد علی صاحب مد ظلہ الاقدس نے فرمائی۔ خصوصی خطا ب کرتے ہوئے چیئرمین مسلم انسٹیٹیوٹ شہزادہ سلطان الفقر حضور حضرت سخی سلطان احمد علی صاحب نے فرمایا کہ قرآن پاک کی صرف تلاوت باعث اجر ضرور ہے مگر قرآن پاک کے احکامات کو عملی جامہ پہنایاجائے۔ہماراسب سے بڑا المیہ ہی ہے کہ ہمارا تعلیم کے ساتھ تعلق نہیں اگر ہے تو اسے اپنے اوپر نافذ کرنے سے ہم قاصر ہیں اسلام کا آغاز ہی علم سے ہوتا ہے تمام انبیاء کرام علیھم السلام بنیادی طور پر معلم تھے آقا علیہ السلام نے اعلان نبوت کے بعد تئیس برس تعلیم ہی تو فرمائی ہے اور حضور رسالت مآب صلی اللہ علیہ وآلہ وسلم نے فرمایا کہ والد کا اپنی اولاد کیلئے سب سے اچھا تحفہ اور سب سے افضل تحفہ یہ ہے کہ وہ اسے حسن ادب کی تعلیم عطا کرتا ہے اور دوسرے مقام پر حضرت ابو رافع رضی اللہ عنہ سے روایت ہے عرض کی کہ جس طرح والد کا بچوں پہ حق ہے اسی طرح بچوں کا بھی والد کے اوپر کوئی حق ہے؟ "قال نعم حق الولد علی الوالد ان یعلمہ الکتابۃ" اولاد کا والدین پر یہ حق ہے کہ والدین انکو لکھنے کی تعلیم عطا فرمائیں وہ انکو تیر اندازی سکھائیں اور انکو حلال مال کا وارث بنائے۔آپ ﷺ کے بعد اولیاء کاملین اور صوفیاء کرام نے اسی طریق کو اپنا کر اپنے حلقہ احباب کی تربیت فرمائی اور باالخصوص غوث الثقلین حضرت شیخ عبدالقادر جیلانی رحمۃ اللہ تعالیٰ علیہ نے دس ایسی چیزوں کا ذکر فرمایا کہ اگر انکو اپنا لیا جائے تو دنیا و آخرت کی فلاح آدمی کا مقدر بن جائے ۱)کسی بھی حالت میں اللہ کی قسم نہ اٹھاؤ ۲)جھوٹ بولنے کی عادت کو ترک کرنا ۳)جب بھی کسی سے وعدہ کرے تو اسے پورہ کرے ۴)مخلوق میں سے کسی کو لعنت نہ کرے ۵)کسی بھی اہل قبلہ میں سے آدمی پر کفر و شرک کا فتویٰ نہ لگائے ۶)بددعا نہ کرنا ۷)ظاہراََ باطناََ اپنی آنکھوں کی حفاظت کرے بے حیائی سے انھیں محفوظ کرے ۸)جو جرم اس نے کیا اپنے تک رکھے کسی دوسرے پر اسے نہ ڈالے ۹)طمع کو ترک کردے ۱۰)عاجزی و انکساری کو اختیار کرے اگر غور کریں اور انھیں نافذ العمل کریں تو دارین کی سعادت کوحاصل کیا جاسکتا ہے۔پروگرام میں کثیر تعداد میں لوگوں نے شرکت کی اور حضور جانشین سلطان الفقر کے دست مبارک پر بیعت کا شرف حاصل کیااور پروگرام کے آخر میں آنے والے تمام مہمانان گرامی کیلئے اور ملک و قوم کی سلامتی کیلئے دعا فرمائی۔

اصلاحی جماعت و عالمی تنظیم العارفین دربار حضرت سلطان باھُوؒ برانچ فیصل آباد کی جانب سے ایک عظیم الشان پروگرام میلادِ مصطفےٰ صلی اللہ علیہ وآلہ وسلم و حق باھُوؒ کانفرنس کا انعقاد کیا گیا۔جسکی صدارت حضور جانشین سلطان الفقر حضرت صاحبزادہ سلطان محمد علی صاحب مدظلہ الاقدس نے فرمائی۔

اصلاحی جماعت و عالمی تنظیم العارفین دربار حضرت سلطان باھُوؒ برانچ ضلع جھنگ کی جانب سے ایک عظیم الشان پروگرام میلادِ مصطفےٰ صلی اللہ علیہ وآلہ وسلم و حق باھُوؒ کانفرنس کا انعقاد کیا گیا۔جسکی صدارت حضور جانشین سلطان الفقر حضرت صاحبزادہ سلطان محمد علی صاحب مدظلہ الاقدس نے فرمائی۔

اصلاحی جماعت و عالمی تنظیم العارفین دربار حضرت سلطان باھُوؒ برانچ ضلع خانیوال کی طر ف سے میلادِ مصطفےٰ صلی اللہ علیہ وآلہ وسلم و حق باھُوؒ کانفرنس کا انعقاد کیا گیا۔جسکی صدارت حضور جانشین سلطان الفقر سرپرستِ اعلیٰ اصلاحی جماعت و عالمی تنظیم العارفین حضرت سخی سلطان محمد علی صاحب مدظلہ الاقدس نے فرمائی۔